الله کا کرم

     نوجوان بہت اخلاق  اور پیار سے پیش آیا دودھ سوڈا سے تواضع کی وقفے وقفے  سے پوچھتا آپ نے مجھے پہچانا پھر سے    تعریفوں کے پل باندھنا شروع کر دیتا میں شرمندگی سے گڑھا  جا رہا تھا دماغ سے زور زبردستی  کی مگر کچھ پلے نہ پڑا.آخر بولا  بھاه جی ! پانچ  برس  پردیس رہ کر آیا  ہوں آپ کا بھلا ہو آپ نے انٹرویو کیا اور آپ اپنے ہاتھوں سے ہر چھ مہینوں بعد ٹھپہ لگا کے دیتے تھے .رب نے آپ کو بڑی عزت دی ہے لیکن اب خدا نے میرا بازو بھی پکڑ لیا ہے .بتانے لگا جو دودھ  بچ جاتا ہے اس کی دہی  بنا لیتا ہوں میں  نے سوال کیا کتنے پیسے کما لیتے ہو کہنے لگا الله کا بڑا کرم ہے دو ہزار  تو دودھ آتے ہی بچ جاتا ہے میں نے تجسس سے پوچھا وہ کیسے ؟ دو ہزار کا تو صرف  پانی ڈالتا ہوں بھاہ جی !الله کا بڑا کرم ہے جو دہی بچ جاۓ اس سے مکھن نکال لیتا ہوں  اور چھاچھ  بھی بک جاتی ہے یہ سب ماں کی دعاؤں کا نتیجہ ہے .